Bangunrejo Kidul Wanci Sore

dening: Daniel Tito

Datan ana maneh kidung panglangut ing kene lan suwaken

kapangmu marang

langit biru, guritan biru, unine manuk bence

percayaa, nadyan iki mung aku sing kandha panjereting ati

dudu pamburating duratmaka

wanci sore, bangunrejo kidul, dak suntak sakabehing tangis

dasihku

aja kleru panampa, aku ngerti ora guna ngoyak pangimpen

sing ngayawara

mokal sunar dewangga jumedhul ing tengah wengi ing rupaking

alas jati

jer aku teka tan prabeda suksma ngulandara jer aku amung

sadrema mitra kang kuwawa ngucap apa?

Ngawi, 18 Juni 1995