Ganda Arume Banyuwangi

dening: Tirta Baiti Jannah

Rencang yo padha resepana

Nglali sedaya reruwet

Kaliyan nginum kopi Kemiren

Ingkang gadhai rasa khas

Gandane... arume...

Tarian Gandrung

Elok endah omprokipun

Sinambi kalilit selendang abrit

Sanget nengsemaken

Mboten namung ndongeng

Bumi Blambangan kados surga

Blue fire Kawah Ijen, Alas Purwo lan cerita mistise

Sedaya pesonanipun

Nglipur manah ayem tentrem

Sesarengan silir-silir angin

Ngresep tumrap manah sarujuk nyawiji

Sethithik baka sethithik sejarah wingi uni

Setya tuhu Putri Sritanjung

Pralaya dening keris Patih Sidapeksa

Ganda arume

Sejarah luhur sayuwiwit srikandi Blambangan

Rasane ati sansaya tuhu

Saiki Banyuwangi wis kondhang kaloka

The Sunrise of Java

Kawentar saindhenging manca nagara

Banuyuwangi