Gunung Gundhul

dening: Arilia Indra. T.

Ketiga wingi

Nyawang gunung ketok pandhang

Tunggak kopi lan kakao

Nyuguhake crita yen biyen tau ijo royo-royo

Jamur luwas ono ing tumpukan pang garing

Pathing slengkrah kari sisa ora nggenah

Es degan ngisor ringin pinggir dalan

Seger tamba ngelak sak gebyaran Esem mbalik pait weruh gunung sepi wit

Udan iki malih rame ora koyo biasane

Deres wiwit sore ora ana mandhege

Kali mbludag gedhe nggawa godhong kayu lan lumpur

Omah keli sapi lan wedhus ana sing mati

Kabeh cluluk yen ono bencana Sing ngunggah berita rumangsa berjasa

Sadhara....

Aksi peduli lan donasi dudu solusi

Akehe sumbangan lan pos sing ana

Ora bakal bisa ngendheg bencana sing bakal teka

Program reboisasi yen mung prosesi yo ngapusi

Gunung ijo ora mung adem lan enak disawang

Ngatur banyu supaya gelem antri Nyemplung neng kali kuwi sing mesthi

Banyuwangi