Kemeruh lan Clinthisan

dening: Nadila Salsabila Agnes Oktavia - SMPN 1 Siliragung

Kancaku jenenge Syifa duwe watak kemeruh lan clinthisan. Mbuh piye asale, sawise aku mudhun nyalami Putri, "skupi anyar ndoo", kandhane Syifa karo tangan kiwane bola bali narik rem tangan. Dheweke nyingklak ngunter gas, "ngene hlo Put carane nyetir pedah matick. Ora di ogleng koyok sepedah mu". Putri sing di omongi mung mencereng nggathukake alise. Semono uga aku mung manthuk ngiyani nalika Syifa ngiyakinake Putri yen lampune sepedah skupi nyala otomatis ora nganggo skakel. Ben gak tambah gregeten, age-age takpateni kontak taksaki, Putri ora preduli saka parkiran, merga ekstrakurikuler karawitan koyoke wis diwiwiti. Syifa mlayu ndhisiki merga ora gelem keri.

Pas entek dalan aspalan Syifa numpake sepedah tetep ugal ugalan. Karepku ndhisiki merga Syifa durung tau dolan neng omahe Putri malah dipepet meh tiba. "Wah bahaya iki. Sesuk neh Syifa aja oleh nyilih skupimu", gregeten Putri karo narik bangkekanku mapakake lungguhe. Syifa ndadi kaya kesetanen. Ora peduli jeglongan, suket pinggir dalan uga di sasaki nganti aku kepleplegen bledug lan ora isa ndelok dalan ngarep.

Tekan dalan cor coran gas taklongi merga wis cedhak omahe Putri, Syifa tambah banter karo gase di blayer-blayer,  "menggok, Syif, ati-ati dalane munggah!" Mbengoke putri nganti kupingku peling. Syifa kaget menggok telat olehe njupuk haluan. Luwih kaget maneh aku lan Putri bareng ngerti Syifa semaput njekangkang ngisor wit kenitu. Untunge skupiku semendhe wit tetehan.