Mamring

dening: Jefriyanto

Keprungu maneh swara angin

sadawaning dedalanan iki

Keprungu maneh sonyaruri kang mekarsari

sangangsare ruh lan napas iki

sira apa pancen ana ing kene?

pitakonan iku kumelun

nalika jangkah-jangkah anapak

kanthi suwe

apa sira ana ing riki telenging dhiri kang kinemulan

puja lan santi

tuh

tuhu tinuhu

tuhu tuhu

tuhuning tuhu

sira isih anggelar laladan

dene aku nyuntak panyembahan

sira manyungging asmara

aku setya sungawira ing umbara

lah

lahalla halahala

lahala lahala

keprungu maneh wiramaning sepi

nalika sira medhar kahananing dhiri

nalika ika iku iki sung suwicara

siji

siji sidi siji sidi

sidi sidi sidi

sidi siji

Baturraden, 2017