Marang Sapa Aku Njaluk Tulung?

dening: Brendha Zahara

Marang sapa aku njaluk tulung

paketan entek nemu wifi tandha penthung

wong liwat rame ora ana sing nggape

merga ora ngerti panggon lan paswedte

apdet status butuh tumpangan, ngongkon langganan

ngirimi es lan panganan wae ora ketekan

owh kaca maya, kowe sing tak puja tak anggep kanca

pranyata jahat lan mentalan

ora ana kalonggaran kanggo korat-koret sambungan internet

Tak buka amba lawang cendhela aku ngerti akeh tangga

ora ana siji-sijiya sing welas menehi

otentifikasi apa maneh notifikasi kanggo bahan miwiti koneksi

Ing pojok dalan kana kae ana

omah cilik prasaja latare amba pagere dawa

aku ora yakin isa mlebu lan ditampa

nothog lawang uluk salam wae aku ora isa

apa maneh crita lan oleh jawaban

marang sapa aku njaluk tulung?

Banyuwangi, 16 Mei 2023